ନ୍ୟୁଜିଲ୍ୟାଣ୍ଡକୁ ୯୬ ରନ୍ରେ ହରାଇଲା ଭାରତ; ବୁମରା ଓ ଅକ୍ଷରଙ୍କ ବୋଲିଂରେ ଧୂଳିସାତ୍ କିୱି ଦଳ
IND vs NZ T20 Result: ନ୍ୟୁଜିଲ୍ୟାଣ୍ଡକୁ ୯୬ ରନ୍ରେ ହରାଇଲା ଭାରତ; ବୁମରା ଓ ଅକ୍ଷରଙ୍କ ବୋଲିଂରେ ଧୂଳିସାତ୍ କିୱି ଦଳ । ନମସ୍କାର ବନ୍ଧୁଗଣ! ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଖେଳାଯାଇଥିବା ଆଜିର ମ୍ୟାଚ୍ରେ ଟିମ୍ ଇଣ୍ଡିଆ ଏକ ଏକପାଖିଆ ବିଜୟ ହାସଲ କରିଛି। ଭାରତ ପ୍ରଥମେ ବ୍ୟାଟିଂ କରି ୨୦ ଓଭରରେ ୫ ୱିକେଟ ହରାଇ ୨୫୫ ରନ୍ର ଏକ ପାହାଡ଼ ସଦୃଶ ସ୍କୋର ଛିଡ଼ା କରିଥିଲା। ଜବାବରେ ନ୍ୟୁଜିଲ୍ୟାଣ୍ଡ ଦଳ ମାତ୍ର ୧୫୯ ରନ୍ରେ ଅଲ୍-ଆଉଟ୍ ହୋଇଯାଇଛି। ନ୍ୟୁଜିଲ୍ୟାଣ୍ଡ ବ୍ୟାଟିଂ ବିପର୍ଯ୍ୟୟ : ୨୫୬ ରନ୍ର ପିଛା କରୁଥିବା ନ୍ୟୁଜିଲ୍ୟାଣ୍ଡ ଦଳ ଆରମ୍ଭରୁ ହିଁ ଭାରତୀୟ ବୋଲରଙ୍କ ଶିକାର ହୋଇଥିଲା। ଓପନର ଟିମ୍ ସେଫର୍ଟ ୨୬ ବଲ୍ରେ ୫୨ ରନ୍ର ଏକ ବିସ୍ଫୋରକ ପାଳି ଖେଳିଥିଲେ ସୁଦ୍ଧା ଅନ୍ୟ କୌଣସି ବ୍ୟାଟସମ୍ୟାନ ତିଷ୍ଠି ପାରିନଥିଲେ। ଅଧିନାୟକ ମିଚେଲ ସାଣ୍ଟନର ୪୩ ରନ୍ କରି ଶେଷ ପର୍ଯ୍ୟନ୍ତ ଲଢ଼େଇ କରିଥିଲେ, କିନ୍ତୁ ୧୯ ଓଭର ସୁଦ୍ଧା ସମଗ୍ର ଦଳ ୧୫୯ ରନ୍ କରି ଆଉଟ୍ ହୋଇଯାଇଥିଲା। ବୁମରା ଓ ଅକ୍ଷରଙ୍କ ଯାଦୁ: ଭାରତ ପକ୍ଷରୁ ଷ୍ଟାର୍ ବୋଲର ଜସପ୍ରୀତ ବୁମରା ମାତ୍ର ୧୫ ରନ୍ ଦେଇ ୪ଟି ମୁଖ୍ୟ ୱିକେଟ ହାସଲ କରିଛନ୍ତି। ସେହିପରି ସ୍ପିନର ଅକ୍ଷର ପଟେଲ ମଧ୍ୟ ଚମତ୍କାର ବୋଲିଂ କରି ୩ଟି ୱିକେଟ ନେଇ କିୱି ଦଳର ମେରୁଦଣ୍ଡ ଭାଙ୍ଗି ଦେଇଥିଲେ। ବରୁଣ ଚକ୍ରବର୍ତ୍ତୀ, ହାର୍ଦ୍ଦିକ ପାଣ୍ଡ୍ୟା ଏବଂ ଅଭିଷେକ ଶର୍ମାଙ୍କୁ ଗୋଟିଏ ଲେଖାଏଁ ୱିକ...